Shevchenko Rebrouvning Ukraina terma jamoasidagi kelajagini aytdi

Ukraina futbol assotsiatsiyasi rahbari, sobiq «Milan» va «Chelsi» hujumchisi Andrey Shevchenko milliy terma jamoa bosh murabbiyi Sergey Rebrouvning kelajagi yuzasidan fikr bildirdi. Bu haqda euro-football.ru xabar beradi.

Shevchenko ta'kidlashicha, UAF murabbiylar almashinuvi masalasini kun tartibiga qo'ymagan va Rebrouv o'z ishini xotirjam davom ettirishi mumkin.

Sergey Rebrouv Ukraina terma jamoasi bosh murabbiyi lavozimini 2023 yilda qabul qilib olgan.

«Sariq-ko'klar» 2026 yilgi jahon chempionati saralashidagi guruhda ikkinchi o'rinni egalladi va endi pley-off o'yinlarida ishtirok etadi. Ushbu bosqichdagi ilk raqib Shvetsiya terma jamoasi bo'ladi.