Shevchenko Ukraina terma jamoasi murabbiyi borasida qaror aytdi

Ukraina futbol assotsiatsiyasi rahbari, "Milan" va "Chelsi"ning sobiq hujumchisi Andrey Shevchenko terma jamoa bosh murabbiyi Sergey Rebrovning kelajagi haqida fikr bildirdi. Bu haqda euro-football.ru xabar beradi.

Shevchenkoga ko'ra, UAF hozircha murabbiylar shtabida o'zgarish qilish niyatida emas: Rebrov ishini xotirjam davom ettirishi mumkin.

Sergey Rebrov Ukraina terma jamoasini 2023 yildan beri boshqarib kelmoqda.

"Sariq-ko'klar" 2026 yilgi jahon chempionati saralash guruhida ikkinchi o'rinni egalladi va endi pley-off uchrashuvlarida maydonga tushadi. Ukraina terma jamoasining ilk raqibi Shvetsiya bo'ladi.