Jikiya Antalyaspor dagi holati haqida fikr bildirdi

"Antalyaspor" himoyachisi Georgiy Jikiya Turkiyadagi faoliyati borasidagi savollarga javob berdi. 32 yoshli futbolchining qisqa intervyusidan lavhani "FNL s Ilyovym" telegram-kanali e'lon qildi. Bu haqda euro-football.ru xabar beradi.

Jikiyadan klubdagi ishlari qanday ketayotgani so'ralganda, u hammasi joyida ekanini aytdi. Shuningdek, Turkiyadagi sharoitdan ham mamnunligini bildirib, buni tabassum bilan tasdiqladi.

Jikiya o'tgan yozda "Antalyaspor" safiga qo'shilgan. Shu paytgacha u jamoa tarkibida 13 ta uchrashuv o'tkazib, 2 ta gol muallifi bo'ldi.

Hozir "Antalyaspor" Turkiya Superligasi turnir jadvalida 14-o'rinda bormoqda. Jamoa navbatdagi uchrashuvini 13 fevral kuni o'z maydonida "Samsunspor"ga qarshi o'tkazadi.