Jikiya Turkiyadagi holati haqida savollarga javob berdi
«Antalyaspor» himoyachisi Georgiy Jikiya Turkiya klubidagi vaziyati yuzasidan fikr bildirdi. 32 yoshli futbolchining qisqa izohi aks etgan videoni «FNL s Ilyovym» telegram-kanali e’lon qildi. Bu haqda euro-football.ru xabar beradi.
— «Antalyaspor»dagi ishlaringiz qalay? — degan savolga Jikiya: «Hammasi yaxshi, rahmat», deya javob qaytardi.
Keyingi savolda u Turkiyadagi sharoitdan ko‘ngli to‘layotgani haqida ham gapirdi: «Bu yerda hammasi yoqadi», — dedi u tabassum bilan.
Jikiya «Antalyaspor» safiga o‘tgan yozda kelib qo‘shilgan. Shundan beri u 13 ta uchrashuvda maydonga tushib, 2 ta gol urdi.
Hozir «Antalyaspor» Turkiya Superligasi turnir jadvalida 14-o‘rinda bormoqda. Jamoa navbatdagi o‘yinini 13 fevral kuni o‘z maydonida «Samsunspor»ga qarshi o‘tkazadi.
