Trent Aleksander-Arnold Real asosiy tarkibiga qaytishga yaqin
Madridning “Real” klubida o‘ng qanot himoyachisi Trent Aleksander-Arnold yaqin kunlarda yana jamoaning start tarkibidan joy olishi kutilmoqda. Bu haqda euro-football.ru xabar beradi.
Angliyalik futbolchi dekabr boshidan beri bezovta qilgan jarohatini to‘liq davolab, safga qaytdi. O‘tgan yakshanba u ikki oylik tanaffusdan keyin ilk bor maydonga tushdi — La Liga doirasidagi “Valensiya”ga qarshi bahsning so‘nggi daqiqalarida zaxiradan o‘yinga qo‘shildi.
Marca xabariga ko‘ra, bosh murabbiy Alvaro Arbeloa Chempionlar ligasi pley-off bosqichidagi “Benfika”ga qarshi ilk o‘tish uchrashuvida Trentni birinchi daqiqalardan maydonga tushirishni rejalashtirmoqda.
“Qirollik klubi” 17-fevral kuni Lissabonda mehmon bo‘ladi, sakkiz kundan so‘ng esa javob uchrashuvi Madridda o‘tkaziladi.
“Real”ning navbatdagi o‘yini 14-fevralga belgilangan — raqib “Real Sosyedad”.
