Simeone Barselona jarohatlari haqida o'ylamayotganini aytdi

Madridning "Atletiko" jamoasi bosh murabbiyi Diyego Simeone Ispaniya Kubogi yarim finali ilk uchrashuvi oldidan "Barselona"dagi yo'qotishlar mavzusiga munosabat bildirdi. Bu haqda euro-football.ru xabar beradi.

"Matraschilar" uchun uy uchrashuvi bugun bo'lib o'tadi. O'yin 01:00 da (Toshkent vaqti bilan) start oladi.

"Barsaning jarohat olgan futbolchilari? Rostini aytsam, bu haqida o'ylamayman. Men o'z jamoamiz haqida o'ylayapman — bizga Barrios yetishmayapti. Bundan tashqari, ayrim futbolchilar so'nggi paytlarda eng yaxshi o'yinini ko'rsata olmayapti. Biz o'zimizga va bo'lajak o'yin uchun rejamizga e'tibor qaratishimiz kerak", — dedi Simeone matbuot anjumanida.

Javob uchrashuvi 3 mart kuni kataloniyaliklar maydonida o'tkaziladi.