Djikiya Antalyaspor tarkibidagi ahvoli haqida gapirdi
"Antalyaspor" himoyachisi Georgiy Djikiya Turkiyadagi faoliyati borasidagi savollarga javob berdi. 32 yoshli futbolchining qisqa izohi "FNL s Ilyovym" telegram-kanalida e'lon qilingan videoda namoyish etildi. Bu haqda euro-football.ru xabar beradi.
Jikiyadan klubdagi ishlari qanday ketayotgani so'ralganda, u hammasi joyida ekanini aytdi. Keyinroq Turkiyadagi sharoitlar ko'nglidagidekmi, degan savolga ham tabassum bilan "hammasi yoqadi" deya javob qaytardi.
Eslatib o'tamiz, Djikiya o'tgan yozda "Antalyaspor" safiga qo'shilgan. Shu vaqt ichida u 13 ta uchrashuvda maydonga tushib, 2 ta gol muallifi bo'ldi.
Hozirda "Antalyaspor" Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13 fevral kuni o'z maydonida "Samsunspor"ga qarshi o'tkazadi.
