Al-Hilol Darvin Nunes o'rniga Benzemani ro'yxatga kiritdi

Urugvaylik hujumchi Darvin Nunes mavsumning qolgan qismida Arabiston chempionatida maydonga tushmaydi. «Al-Hilol»ning italiyalik bosh murabbiyi uni milliy liga uchun arizadan chiqarib, o'rniga klubga kelib qo'shilgan Karim Benzemani ro'yxatga kiritdi. Bu haqda euro-football.ru xabar beradi.

Shu bilan birga, Nunes Osiyo Chempionlar Ligasi uchrashuvlari uchun «Al-Hilol»ning qaydnomasida qoldi.

Ma'lumot uchun, Nunes avvalroq Ispaniyaning «Almeriya», Portugaliyaning «Benfika» va Angliyaning «Liverpul» klublarida to'p surgan. U 2019 yildan Urugvay terma jamoasiga muntazam chaqiriladi, hozirgacha milliy jamoa safida 13 ta gol urgan. Shuningdek, 2022 yil Qatarda o'tgan jahon chempionatida ham ishtirok etgan.