Ryerson uch assist berdi Borussiya Mayntsni yanchdi
Germaniya chempionatining 22-turi Dortmundning «Borussiya»si va «Maynts» uchrashuvi bilan boshlandi. «Shmelilar» ilk daqiqalardanoq tashabbusni qo'lga olib, raqib darvozasiga tezda yo'l topdi. Bu haqda euro-football.ru xabar beradi.
10-daqiqada Yulian Ryersonning uzatmasidan so'ng Seru Girassi bosh bilan hisobni ochdi. Oradan besh daqiqa o'tib, Ryersonning navbatdagi uzatmasini Maksimilian Bayer golga aylantirdi — 2:0. Tanaffus arafasida esa yana Ryerson–Girassi tandemi ishladi va hujumchi dublni rasmiylashtirib, hisobni 3:0 ko'rinishiga keltirdi.
Ikkinchi bo'limda «Maynts» posboni bir necha bor jamoasini qutqarib qoldi: avval Feliks Nmechaning xavfli zarbasini qaytardi, keyin burchakdan keyingi Sheraldo Bekerning urinishida ham hushyorlikni yo'qotmadi. Biroq 84-daqiqada Ryerson yana burchak to'pini aniq oshirdi, yakunda Dominik Kor to'pni o'z darvozasiga kiritib yubordi — 4:0.
Yirik g'alabadan so'ng «Borussiya» peshqadam «Bavariya»dan atigi uch ochko ortda qoldi. «Maynts» esa turnir jadvalining quyi qismida, oxiridan beshinchi o'rinda bormoqda.
