Raul Asensio Osasunaga yutqazilgach chorshanbani o'ylamoqda

Madridning «Real» jamoasi markaziy himoyachisi Raul Asensio «Osasuna»ga 1:2 hisobida mag'lub bo'lgandan so'ng ijtimoiy tarmoqlarda munosabat bildirdi. Bu haqda euro-football.ru xabar beradi.

Pamplonaliklar La Liga jadvali peshqadami ustidan g'alabani 90-daqiqadagi gol evaziga qo'lga kiritdi. Mehmonlar safida 73-daqiqada Vinisius Junior yagona to'pni kiritdi.

«G'alaba qozona olmaganimiz uchun ko'nglimiz xira. Endi butun e'tiborimiz chorshanbaga qaratilgan. Hala Madrid», — deb yozdi Asensio.

25 fevral, chorshanba kuni «qaymoqranglilar» Chempionlar ligasi pley-offidagi «Benfika»ga qarshi javob uchrashuvini o'tkazadi. O'tgan seshanba Portugaliya poytaxtida bo'lib o'tgan ilk bahsda Alvaro Arbeloa jamoasi minimal hisobda g'alaba qilgandi.