Boka Xuniors klubi yangi sport direktorini tayinladi

Argentinaning «Boka Xuniors» klubi sport direktori lavozimiga Marselo Delgado tayinlanganini rasman ma’lum qildi. U klub prezidenti Xuan Rikelme bilan yaqindan hamkorlikda ishlaydi. Bu haqda euro-football.ru xabar beradi.

Jamoa tarkibini tez fursatda kuchaytirishga ehtiyoj sezmoqda va endi Delgado hamda Rikelme dueti transferlar va seleksiya masalalarida faol ish olib borishi kutilmoqda.

Delgado futbolchilik faoliyatida ham nom qozongan: u 1995–2002 yillar oralig‘ida Argentina terma jamoasi safida 18 uchrashuv o‘tkazgan, jumladan 1998 yilgi jahon chempionatida ham maydonga tushgan.

2003 yilda esa u Libertadores kubogining eng yaxshi to‘purari bo‘lgan — bu natijani «Santos» hujumchisi braziliyalik Rikardo Oliveyra bilan birga qayd etgan.