Anchelotti Ronalduning tiklanish haqidagi gapini esladi
Braziliya terma jamoasi bosh murabbiyi Karlo Anchelotti Krishtianu Ronalduning professionalligi haqida fikr bildirdi. Bu haqda euro-football.ru xabar beradi.
Anchelottining aytishicha, u ishlagan futbolchilar orasida Ronaldu eng intizomlilaridan biri. Murabbiy Ronalduning bir gapini ham yodga oldi: «Juda ko‘p suv o‘simlikni nobud qiladi». Uning ta’kidlashicha, futbol jismonan katta yuklama talab qiladi, biroq tiklanish jarayoni ham nihoyatda muhim — ko‘plab jarohatlar aynan ortiqcha zo‘riqish oqibatida yuzaga keladi.
41 yoshli Krishtianu Ronaldu hozir Saudiya Arabistonida «Al-Nasr» safida o‘ynamoqda. Portugaliyalik yulduzning amaldagi shartnomasi 2027 yil o‘rtalarigacha mo‘ljallangan. Ronaldu faoliyati davomida besh marta «Oltin to‘p»ni qo‘lga kiritgan.
