Argentina chempionati federatsiya atrofidagi mojarolar tufayli to'xtaydi

Argentina chempionati bir haftalik tanaffus oladi: 9-tur uchrashuvlari keyinroq o‘tkaziladi. Qiziq tomoni, 7 va 8-tur bahslari reja bo‘yicha o‘ynaladi, tanaffus esa taqvimda 5–8 mart kunlariga belgilangan 9-turga to‘g‘ri kelmoqda. Bu haqda euro-football.ru xabar beradi.

Bu qaror AFA prezidenti Klaudio Tapia 5 mart kuni tribunal oldida javob berishi kerakligi bilan bog‘liq. Manbalarga ko‘ra, sobiq futbolchilar va xodimlarga pensiya to‘lovlari bo‘yicha tuzilgan sxema orqali 19 milliard peso miqdoridagi soliqdan qochilgani gumon qilinmoqda — Yevropa valyutasida bu qariyb 12 million yevroga teng. Shuningdek, federatsiya pul yuvish jarayonlarida ham ishtirok etgan bo‘lishi mumkinligi haqida shubhalar bor.