Spalletti Angliyadan Yuventus uchun yangi tayanch topdi

"Vulverhempton" yarim himoyachisi Andre "Yuventus"ning qiziqishlar doirasiga tushdi. Sky Sport xabariga ko'ra, bosh murabbiy Luchano Spalletti markaziy chiziqni kuchaytirishni rejalashtirmoqda va braziliyalik futbolchi yozgi transferlar uchun mumkin bo'lgan nomzodlardan biri sifatida ko'rilmoqda. Italiyalik mutaxassis 24 yoshli xavbekning salohiyatini yuqori baholaydi. Bu haqda euro-football.ru xabar beradi.

Transfermarkt portalida Andre 28 million yevroga baholanmoqda. Uning "Vulverhempton" bilan amaldagi shartnomasi 2029 yilgacha mo'ljallangan, biroq klubning APLdan tushib ketishi ehtimoli yuqori ekani yozda tayanch yarim himoyachini olib ketmoqchi bo'lgan jamoalar uchun muzokaralarni ancha yengillashtirishi mumkin.