Karpin yig'in o'yinlarida natija muhim emasligini aytdi
Rossiya terma jamoasi bosh murabbiyi Valeriy Karpin Mali va Nikaragua terma jamoalariga qarshi o'rtoqlik uchrashuvlari oldidan fikr bildirdi. Bu haqda euro-football.ru xabar beradi.
Mutaxassis natijaga ortiqcha urg'u berish kerak emasligini ta'kidladi. Uning aytishicha, shtab hozir ishonch bildirayotgan va ko'rishni istayotgan futbolchilarning barchasini yig'inga chaqirmoqda. Karpin fors-major holatlar bo'lmasa, hamma belgilangan vaqtda terma jamoaga yetib kelishiga umid qilayotganini qo'shimcha qildi.
Rossiya — Nikaragua uchrashuvi 27 mart kuni Krasnodardagi stadionda bo'lib o'tadi. Mali bilan bahs esa 31 mart kuni Sankt-Peterburgda o'tkaziladi.
Eslatib o'tamiz, Rossiya terma jamoasi FIFA va UYEFA qarori bilan xalqaro musobaqalardan chetlatilgan.
