Portlash tufayli «Borussiya» — «Monako» uchrashuvi qoldirildi

Evropa chempionlar ligasi 1/4 finalidan o‘rin olgan “Borussiya” – “Monako” uchrashuvi belgilangan kundan bir kun keyin o‘tkaziladi, deb yozadi \"Kun.uz\" nashri.

Dortmundda bugun o‘yin boshlanishiga oz vaqt qolganida portlash ro‘y berdi. Futbolchilar klub avtobusi tomon yo‘l olishganida kichik portlash ro‘y bergan. Klub ayni vaqtda futbolchilar xavfsiz joyda ekanini ma’lum qildi.

Bild xabariga ko‘ra, himoyachi Mark Bartra shifoxonaga olib ketilgan.

Uchrashuv ertaga, 12 aprel kuni Toshkent vaqti bilan soat 21:45 da boshlanadi.