Liverpul Kolumbiyaning 17 yoshli iqtidori bilan shartnoma imzolamoqda
Liverpul klubi Janubiy Amerikaning eng istiqbolli yosh iqtidorlaridan birini oʻz safiga qoʻshib olishga yaqin turibdi. Mersisaydliklar kelajakda yarim himoya chizigʻini kuchaytirish maqsadida Kolumbiyaning Atletiko Nasional klubi tarbiyalanuvchisi Samuel Martinez transferi boʻyicha kelishuvga erishdi. Bu haqda Goal.com xabar beradi.
Xabarlarga koʻra, 17 yoshli hujumkor yarim himoyachi uchun kurashda Liverpul Yevropaning bir qator grand jamoalarini ortda qoldirgan. Transfer summasi taxminan 740 ming funt sterlingni tashkil etishi kutilmoqda. Martinez Janubiy Amerika U17 chempionatidagi yorqin oʻyinlari bilan skautlar nazariga tushgan edi. U mazkur turnirda oʻz terma jamoasining gʻalabasiga munosib hissa qoʻshib, oltita oʻyinda uchta golli uzatmani amalga oshirgan.
Samuel Martinez uchun kurashda Borussiya Borussiya Borussiya Dortmund va Barselona kabi klublar ham jiddiy qiziqish bildirgan edi. Biroq futbolchi Angliya Premer-ligasi va Enfilddagi muhitni tanladi. Jurnalistlar Pipe Sierra va Paul Joyce bergan maʼlumotlarga koʻra, futbolchi bilan besh yillik shartnoma imzolanishi kutilmoqda. Kelishuvga koʻra, Atletiko Nasional keyingi transferdan ham maʼlum miqdorda ulush oladi.
Transfer qoidalariga koʻra, 18 yoshga toʻlmagan xorijlik futbolchilar bilan rasmiy shartnoma tuzish cheklangan. Shu sababli, Martinezning Liverpul safiga rasman qoʻshilishi 2027-yilning yoziga rejalashtirilgan. Ungacha oʻng oyoqda harakat qiluvchi pleymeyker oʻz vatanida qolib, tajriba orttirishda davom etadi.
