Pele: «Mbappe shunday o‘ynashda davom etsa, men yana maydonga qaytishim mumkin»

Futbol qiroli Pele JCh-2018ning eng yaxshi yosh o‘yinchisi deb topilgan Kilian Mbappening sermahsul o‘yiniga munosabat bildirdi.

«Agar Kilian men o‘rnatgan rekordlarni yangilashda davom etsa, butsalarimning changini artishimga to‘g‘ri kelib qolishim mumkin», – deb yozdi Pele o‘zining Twitter sahifasida.

Eslatib o‘tamiz, 19 yoshli fransiyalik futbolchi jahon chempionatlari finalida gol urgan Peledan keyingi ikkinchi eng yosh futbolchi bo‘ldi.

Manba: tribuna.uz