Guti: Neymar Messi bilan bir jamoada o‘ynayversa, «Oltin to‘p»siz qolaveradi

Madridning\"Real\" klubi sobiq yarim himoyachisi Guti \"Barselona\" hujumchisi Neymarning \"Oltin to‘p\"ni olishga imkoniyatlari haqida fikrini bildirdi.

\"Neymar Messi bilan bir jamoada o‘ynayversa, \"Oltin to‘p\"ni yuta olmaydi. \"Barselona\" qancha musobaqada g‘olib chiqmasin, ularning bari Messi bilan bog‘lanaveradi\", - deydi Guti.

Eslatib o‘tamiz, 2015 yilning eng yaxshi futbolchisi sifatida Messi tan olindi. Ikkinchi o‘rin esa \"Real\" hujumchisi Krishtianu Ronalduga nasib etgan. Neymar uchinchi o‘rinda qoldi.