«Real» Beylni sotmasdan De Xeani olmoqchi

Madridning \"Real\" klubi \"MYu\" darvozaboni David De Xea bilan jiddiy tarzda qiziqmoqda.

Madridliklar Ispaniya terma jamoasi darvozabonini kuzatib bormoqdalar. De Xeaning o‘zi ham \"Real\"ga o‘tishga qarshi emas. O‘z navbatida \"MYu\" ham Ispaniyadan yangiliklar bo‘lishini kutmoqda.

Biroz vaqt muqaddam \"Real\" yarim himoyachi Garet Beylni bu transferga qo‘shishi mumkinligi aytilgandi. Ammo Karlo Anchelotti hech qanday sharoitda ham Beylni sotishga rozi emas. Shu sababli madridliklar David De Xeani sotib olish uchun boshqa imkoniyatlarni qidirmoqda.

Eslatib o‘tamiz, De Xeaning agenti Jorje Mendesh bir necha bor \"Real\" rahbariyati bilan uchrashib, muzokara o‘tkazgan.

Manba: www.uff.uz