Rustam To‘laganov prof boksdagi 3-jangida ham g‘alaba qozondi

^{Foto: «RIA Novosti»}
Rossiyaning Kaliningrad shahri 1 fevral, shanba kuni, professional boks oqshomiga mezbonlik qildi.
Rio—2016 Olimpiadasi bronza medali sovrindori, 79,3 kg vazn toifasi vakili Rustam To‘laganov (2-0, 1 KO) prof boksdagi uchinchi jangini polshalik Norbert Dabrovskiga (23-8-2, 10 KO) qarshi olib bordi.

8 raundga mo‘ljallangan jang to‘liq davom etib, yakunda hakamlar Rustamning g‘alabasini qayd qildi.
Shu tariqa To‘laganov professional boksdagi uchinchi g‘alabasini tantana qildi.