“Paxtakor” – “Navbahor” uchrashuvi hakami bir oyga Superligadan chetlatildi

Bugun O‘zbekiston futbol assotsiatsiyasining hakamlik qo‘mitasi yig‘ilishi o‘tkazildi.
Unda Superliganing 1-turidan o‘rin olgan “Paxtakor” – “Navbahor” uchrashuvi hakamligi ham ko‘rib chiqildi.

Uchrashuv bosh hakami Ilgiz Tantashevning ushbu uchrashuvdagi faoliyati O‘FA hakamlar qo‘mitasi mutaxassislari tomonidan atroflicha o‘rganildi. Buning natijasida bosh hakam tomonidan o‘yin tizgini qo‘ldan chiqarilgani va intizomiy qarorlaridagi xatolari sababli 1 oy muddatga Superliga o‘yinlaridan chetlatilib quyi ligaga tushirildi.