Joze Mourinyu: "Nihoyat, qamoqdan chiqdim"

\"Roma\" bosh murabbiyi Joze Mourinyu diskvalifikatsiyasi tugagani haqida gapirdi. Konferensiyalar ligasi doirasida \"Vitess\"ga qarshi o‘yinga uchib ketish oldidan u instagramga rasm joyladi va: \"Nihoyat, qamoqdan chiqdim. O‘yinga tayyorman\", deb izox qoldirdi.

Portugaliyalik mutaxassis A Seriya doirasida \"Verona\"ga qarshi o‘yindagi nomaqbul xatti-harakatlari uchun diskvalifikatsiya qilingandi. Shu sababli u \"Spetsiya\" va \"Atalanta\"ga qarshi o‘yinlarda o‘z joyida bo‘lmadi.