Bank ilovalariga antivirus o‘rnatiladi

Banklar va to‘lov xizmatlari o‘z mobil ilovalariga zararli dasturlardan himoya qiluvchi antivirus tizimlarini o‘rnatadi, deb Uz24.uz xabar berdi.

Foydalanuvchi qurilmasida zararli dastur belgilari aniqlanganda, tizim ogohlantirish yuboradi. Ichki ishlar organlari so‘rovi asosida shubhali pul o‘tkazmalariga aloqador bank kartalari darhol bloklanadi.

Banklar, shuningdek, voyaga yetmagan mijozlar bilan bog‘liq shubhali moliyaviy operatsiyalar haqida ularning ota-onalarini xabardor qilishga majbur bo‘ladi.