Render: Moto Droid Turbo 3 tasvirlari paydo bo‘ldi

Xitoyning Weibo mikroblogida taqdimoti kutilayotgan Moto Droid Turbo 3 modelining yangi suratlari paydo bo‘ldi, deb yozmoqda Terabayt nashri.

Moto Droid Turbo 2 smartfoni 2015 yilda namoyish qilingan edi. Ayni vaqtda Lenovo tarkibiga kiruvchi kompaniya navbatdagi Moto Droid Turbo 3 modelini 2017 yilda chiqarishi taxmin qilinmoqda.

Hozircha ushbu renderlar faqatgina yangi modelning tashqi dizayni haqida umumiy tasavvur berishga xizmat qiladi va ularning rasmiy asosga egaligi shubhali. Model Hasselblad tomonidan yaratilgan 16 Mpli kamera moduli, Qualcomm Snapdragon 820 prosessori va 4 GB operativ xotira bilan jihozlanishi kutilmoqda. Shuningdek, model barmoq izi skaneri bilan himoyalanadi.

Qurilmaning taqdimot sanasi hozircha noma’lum.