Cloudflare Rossiyaning "Max" ilovasini josuslik dasturi deb topdi
Cloudflare xosting-provayderi "Max" milliy messenjeriga tegishli max.ru domenini josuslik dasturi sifatida belgiladi. Bu haqda Ixbt.com xabar beradi.
Avvalroq kompaniya "Telega" ilovasiga ham shunday yorliq yopishtirgan va u App Store'dan o'chirilgan edi. Hozirda max.ru yaroqli TLS sertifikatiga ega, ilova App Store va Google Play'da mavjud.
"Max" — VK kompaniyasi tomonidan ishlab chiqilgan ko'p funksiyali ilova. U xabar almashish, video va audio qo'ng'iroqlardan tashqari pul o'tkazmalari va yoshni tasdiqlash kabi xizmatlarni qo'llab-quvvatlaydi.
2026 yil 21-aprelda ilova nomi "MAKS" deb o'zgartirildi. VK buni xizmatning maksimal imkoniyatlarini aks ettirishi bilan izohladi.
2026 yil 25-aprelda messenjerga sharhlar, so'rovnomalar va tarixlar qo'shilishi xabar qilindi. 27-aprelda esa ilova orqali 100 mingdan ortiq savdo nuqtalarida xaridorlar yoshini tasdiqlash tizimi ishga tushirildi.
