Microsoft Windows 11 uchun yirik unumdorlik yangilanishini chiqardi
Microsoft kompaniyasi Windows 11 operatsion tizimining 24H2 va 25H2 versiyalari uchun xavfsizlik bilan bogʻliq boʻlmagan yangi tizim yangilanishini taqdim etdi. KB5089573 raqamli ushbu paket 26200.8524 va 26100.8524 yigʻmalari koʻrinishida foydalanuvchilarga yetkazilmoqda. Bu haqda Ixbt.com xabar beradi.
Mazkur yangilanishni Windows Update (Yangilanishlar markazi) yoki Microsoft yangilanishlar katalogi orqali yuklab olish mumkin. Dasturiy taʼminot tizim unumdorligini oshirishga qaratilgan boʻlib, uzoq roʻyxatdan iborat yangi funksiyalar, yaxshilanishlar va xatoliklar tuzatilishini oʻz ichiga oladi.
Asosiy oʻzgarishlar qatorida tizimning ishlash tezligini optimallashtirish va interfeys elementlaridagi kamchiliklarni bartaraf etish koʻzda tutilgan. KB5089573 yangilanishi ixtiyoriy xarakterga ega boʻlib, uni oʻrnatish uchun foydalanuvchidan sozlamalar boʻlimi orqali qoʻlda tasdiqlash talab etiladi.
Taʼkidlash joizki, ushbu yangilanishda taqdim etilgan barcha yangi imkoniyatlar keyinchalik, yaʼni 2026-yilning iyun oyidagi umumiy yangilanishlar paketi tarkibida barcha foydalanuvchilar uchun standart holatda mavjud boʻladi.
