Xitoyliklar dunyodagi eng katta samolyot-amfibiyani yaratib havoga uchirishdi…

«AG600» kodlangan nom ostidagi bu samolyot-amfibiyaning uzunligi 40 metrga teng bo‘lib, to‘rtta motor asosida harakatlanadi. Samolyot asosan o‘rmonlardagi yong‘inlarni bartaraf etish, qutqaruv operatsiyalarini amalga oshirish, okeanda monitoring o‘tkazish uchun mo‘ljallangan.

U atigi 20 soniyada bortiga 12 tonna suvni joylashtira oladi. Umumiy yuk ko‘tarish imkoniyatlari 53, 5 tonnani tashkil etadi. Havoga ko‘tarilgach, to‘xtovsiz 4, 5 ming kilometrgacha parvoz qiladi. Undan yo‘lovchi tashishda, yangi neft konlarini qidirishda ham foydalansa bo‘ladi.