Yaqin 20 yilda internet rivojlanishiga umid qilmasa ham bo‘ladi

Internet asoschilaridan biri, britaniyalik olim Tim Berners-Li zamonaviy internetning ahvolidan tashvishda. Uning fikricha, tarmoqda monopol kompaniyalar ko‘payib ketgan.

Masalan, «Facebook» va «Google». Ular raqobatni sindirmoqda, shu bois global tarmoq rivojlanishi turg‘un holatga tushib qolgan. Bu kompaniyalar eng zo‘r mutaxassislarni yollab olib, ularni o‘z g‘oyalari yo‘lida ishlatishyapti.

Berners-Lining taxminicha, bu turishda yaqin 20 yilda internet rivojlanishiga umid qilmasak ham bo‘ladi.

Olim internet axborot quroliga aylanib borayotganidan ham ranjigan.