O‘zbekistonda Artel’ning metall korpusli yangi Sentinel X smartfoni 616 ming so‘mdan sotuvga chiqdi

O‘zbekistondagi Artel kompaniyasi o‘zining yangi flagman smartfonini taqdim etdi, deya xabar bermoqda kompaniya rasmiy sayti. O‘zbekistonda ishlab chiqarilgan smartfon birinchi marta alyuminiy va magniy qotishmasidan qilingan korpusga va Gorilla Glass 3 himoya oynasiga ega bo‘ldi. Bundan tashqari, korpus iz qoldirmaydigan qatlamga ega.


Sentinel X 4 yadroli MT6582 chipida ishlaydi. Smartfonning 4,7 dyuymli IPS OGS displeyi 1280×720 (HD) o‘lchamiga ega. Qurilmaning tezkor xotirasi 1 Gb, ichki xotirasi 8/16 Gb ni tashkil etadi.


Yangi telefon 8 megapikselli asosiy va 5 megapikselli old kameralar bilan jihozlangan. Batareyasi sig‘imi 1800 mA/s ga teng. U Android KitKat 4.4.2 operasion tizimida ishlab, 3G, HSPA+, Wi-Fi orqali ma’lumot almashishga moslashtirilgan.


Artel internet-do‘konida Sentinel X smartfoni 616 ming so‘mdan sotilmoqda.