“O‘zgidromet” anomal issiqdan ogohlantirdi

O‘zbekiston hududida anomal issiq harorat kutilmoqda. Joriy yilning 25-29 iyun kunlari O‘zbekiston hududiga Turkmaniston orqali Eron hududlaridan issiq havo kirib kelishi sababli maksimal havo harorati:

• 25-28 iyunda Qoraqalpog‘istonda, Xorazm viloyatida 42-44° gacha;
  
• 25-29 iyunda Buxoro, Navoiy, Qashqadaryo, Surxondaryo viloyatlarida 43-45° gacha;
  
• 26-29 iyunda Toshkent, Samarqand, Jizzax, Sirdaryo viloyatlarida va Farg‘ona vodiysi viloyatlarida 40-42° gacha ko‘tariladi.

Respublika bo‘yicha baʼzi joylarda shamol 15-20 m/s gacha kuchayishi, ayrim joylarda chang to‘zonlari kuzatilishi kutilmoqda.