Botir Zokirov Davlat arxitektura va qurilish qo‘mitasi raisi lavozimiga tasdiqlandi

Bosh vazirning sobiq o‘rinbosari Zokirov Botir Erkinovich O‘zbekiston Respublikasi Davlat arxitektura va qurilish qo‘mitasi raisi lavozimiga tasdiqlandi. Bu haqda Kun.uz sayti xabar bermoqda.

\"2016 yil 14 dekabrdagi O‘zbekiston Respublikasi Prezidentining PF-4877-son farmoniga muvofiq Zakirov Botir Irkinovich O‘zbekiston Respublikasi Davlat arxitektura va qurilish qo‘mitasi raisi lavozimiga tasdiqlandi\", deyilgan xabarda.

Shu munosabat bilan Botir Zokirov O‘zbekiston Respublikasi Bosh vaziri o‘rinbosari — Davlat arxitektura va qurilish qo‘mitasi raisi — Kommunal soha, transport, kapital qurilish va qurilish industriyasi masalalari kompleksi rahbari lavozimidan ozod etilgan.