Gazli avtozapravkalar endi tunu kun ishlaydi

Oʻzbekistonda gazli avtomobil zapravkalari yana cheklovlarsiz rejimga qaytdi. Energetika vazirligi xabariga koʻra, endi shoxobchalar uzluksiz ishlaydi. Bu haqda upl.uz xabar beradi.

Maʼlum qilinishicha, 24 soatlik ish tartibi bugun, 30 dekabr kuni soat 11:00 dan (Toshkent vaqti bilan) kuchga kiradi.

Eslatib oʻtamiz, avvalroq keskin sovuq tufayli aholining issiqlik taʼminotini ustuvor qilish maqsadida gaz zapravkalari faoliyatiga vaqtinchalik cheklovlar kiritilgandi.