Toshkentda 1 avgustdan markaziy isitish uchun tarif oshiriladi

1 avgustdan O‘zbekiston poytaxti aholisi uchun markaziy isitish hamda issiq suv ta’minoti tarifi 8 foizga oshadi, deb yozmoqda Kun.uz.

Yangi tariflarga ko‘ra 1 kv.m maydon uchun 1019,59 so‘m narx belgilangan. Bundan oldingi narx 941,14 so‘mni tashkil qilayotgandi.

Narxlarning oshirilishi \"issiqlik energiyasi bilan ta’minlashdagi muayyan qoidalarning o‘zgargani\" bilan izohlangan.

Ma’lumot uchun, Toshkentda issiq suv uchun narxlarning oshishi shu yilning 15 may kunida amalga oshirilgandi.