O‘zbekistonda Yangi yilgacha iliq ob-havo kutilmoqda

Toshkent shahri va Toshkent viloyatida hafta boshidan, ya’ni 24 dekabrdan biroz iliqlik kutilmoqda. Bu haqda «Repost.uz» xabar berdi.

Dushanba kuni kunduzi 5-10 daraja iliq bo‘ladi, 25—26 dekabr kuni harorat 7-12 darajagacha yetadi. Faqat 26 dekabr kuni Toshkent, Samarqand va Jizzax viloyatlarida vaqti-vaqti bilan yomg‘ir yog‘ishi mumkin.

Hafta yakuni ham iliq bo‘lishi kutilmoqda. Jumladan, 28 dekabr kuni kunduzi ob-havo +14 darajagacha ko‘tariladi.

23—26 dekabr kunlari Qoraqalpog‘iston Respublikasi va Xorazm viloyatida sovuq ob-havo kuzatiladi: kunduzlari bu yerlarda harorat 2 daraja iliqdan oshmaydi.