Ўзбекистон ОТМларида ҳужжат қабул қилиш жараёни бошланди

20 июндан Ўзбекистон Олий таълим муассасаларида абитуриентлардан 2016-2017 ўқув йили учун ҳужжат қабул қилиш жараёни бошланди. Қабул комиссияси 20 июлга қадар фаолият кўрасатади.Бу ҳақда \"Uz24.uz\" сайти ёзмоқда.

Комиссиялар 09:00 дан 18:00 гача ишлайди.

Абитуриент олий таълим муассасаси қабул комиссиясига қуйидаги ҳужжатларни тақдим этади:

- таълим йўналиши, ўқитиш тили ва шакли кўрсатилган ҳолдаги ариза;
- ўрта ёки ўрта махсус маълумот ҳақидаги ҳужжатнинг асл нусхаси;
- 086/У-шаклдаги тиббий маълумотнома;
- фуқаролик паспорти нусхаси;
- 3,5×4,5 см ўлчамдаги 6 дона фотосурат;
- халқаро ва республика олимпиадалари, танловлар ва мусобақа ғолиблари ўқишга танловсиз кириш ҳуқуқини берувчи ҳужжатнинг асл нусхаси;
- муддатли ҳарбий хизматни ўтаган ва ҳарбий қисм тавсияномасига эга бўлган абитуриентнинг тегишли тавсияномаси.