“Ўзгидромет” сурхондарёликларни хавфли чанг-тўзонлардан огоҳлантирди

“Ўзгидромет” 3-ноябрь куни Сурхондарё вилояти ҳамда республиканинг айрим тоғли ҳудудларида шамол кучайиши ҳақида огоҳлантириш эълон қилди.

Ташкилот маълумотига кўра, кун давомида шамол тезлиги соатига 13–18 метргача етиши, айрим минтақаларда эса чанг-тўзонлар юзага келиши эҳтимоли бор.

“Ҳудуд аҳолиси ва меҳмонлари кучли шамол пайтида эҳтиёт чораларини кўришлари, очиқ ҳавода узоқ қолмасликлари керак”, — дейилади хабарда.

Мутахассислар шунингдек, очиқ жойларда фаолиятни қисқартириш ва ташқарига чиққанда ниқоб тақишни тавсия этмоқда.

Кучли шамол ва чанг-тўзонлар соғлиқ учун хавфли бўлиши, нафас олиш тизимига салбий таъсир кўрсатиши мумкинлиги таъкидланди.