«Фарғонаазот»да портлаш юз берди. Қурбонлар бор

Фарғона вилоятидаги «Фарғонаазот» заводида 23 февраль куни соат 16:30 да таъмирлаш-монтаж ишлари вақтида аммиак цехида портлаш юз берди. Бу ҳақда «Дарё» нашри хабар бермоқда.

Ҳодиса оқибатида одамлар қурбон бўлгани айтилмоқда. ФВВ ахборотида қурбонлар сони кўрсатилмаган.

Хабар беришларича, ҳодиса сабаблари ва тафсилотларини аниқлаш, шунингдек, жабрланувчиларнинг оилаларига кўмак кўрсатиш мақсадида ҳукумат комиссияси тузилган.