Тошкентда янги аквапарк очилди

10 августдан Тошкент шаҳрининг Сергели туманида янги аквапарк иш бошлади

Бу ҳақда Uz24.uz мухбирининг айни жойдан хабар қилишича, аквапарк битта катта ва 2 кичик - 3 та чўмилиш ҳавзасидан иборат. Унинг ҳудудида 3 та кафе ва болалар учун ўйнаш хонаси жойлашган. Маълум бўлишича, аквапаркда кейинги йили катта ресторан ҳам очилади.

Катталарга кириш ҳафта кунларига қараб 40 мингдан 50 минг сўмгача. Очилиш кунида аёллар ва 9 ёшгача бўлган болалар учун кириш бепул.

Парк туман ҳокимияти яқинида, Сергели 8 мавзесида жойлашган.

Иш вақти: 11:00 - 23:00