Ethereum (ETH) narxi kunlik grafikda "ayiq pennanti" (bear pennant) shaklini hosil qildi. Ushbu texnik koʻrsatkich odatda narxning keskin pasayish tendensiyasi davom etishidan darak beradi. Soʻnggi vaqtlarda ETH narxi 2 400 dollarlik koʻp oylik choʻqqisidan 13 foizga arzonlashib, fevral oyidan beri amal qilib kelayotgan muhim qoʻllab-quvvatlash chizigʻini buzib oʻtdi. Bu haqda Cointelegraph.com xabar beradi.
Tahlilchilarning fikriga koʻra, agar Ethereum narxi 2 060 dollarlik darajadan pastga tushsa, pasayish surʼati yanada tezlashishi mumkin. X ijtimoiy tarmogʻidagi Chain Mind tahlilchisi bu holatni ETH uchun hal qiluvchi palla deb atadi. Agar aktiv oʻz pozitsiyasini tiklay olmasa, narxning 1 800 dollargacha, yaʼni joriy qiymatdan yana 14 foizga tushib ketishi ehtimoli yuqori.
Kripto-tahlilchi Alex Marzell ham 2 050 dollarlik daraja boy berilsa, keyingi toʻxtash nuqtasi 1 800 dollar atrofidagi qoʻllab-quvvatlash zonasi boʻlishini taʼkidlamoqda. Qisqa muddatli istiqbolda, agar asosiy darajalar saqlanib qolmasa, narx hatto 1 750 dollargacha pasayishi mumkinligi bashorat qilinmoqda.
Salbiy texnik koʻrinishdan tashqari, fundamental omillar ham Ethereum tarmogʻiga bosim oʻtkazmoqda. Xususan, Ethereum Foundation tarkibidagi oʻzgarishlar, ijtimoiy tarmoqlardagi pessimistik kayfiyat va DeFi protokollaridagi umumiy bloklangan qiymatning (TVL) kamayishi kuzatilmoqda.
Hozirda Ethereum tarmogʻidagi TVL koʻrsatkichi 116 milliard dollargacha tushib ketdi, bu oxirgi 13 oylik eng past koʻrsatkichdir. Taqqoslash uchun, tarmoqning TVL koʻrsatkichi oʻzining eng yuqori choʻqqisida 258 milliard dollarga yetgan edi. Bunday pasayish investorlarning ekotizimga boʻlgan ishonchi biroz susayganidan dalolat beradi.
“Zamin”ni Telegramʻda oʻqing!
