Mars корпорациясы (Snickers, Twix брендтері) Еурокомиссиядан Pringles чипсілері мен Cheez-It крекерлерін өндіруші Kellanova компаниясын сатып алуға рұқсат алды. Мәміле құны $35,9 миллиардты құрайды, деп хабарлады Reuters.
Еурокомиссия бұл бірігу бәсекеге әсер етпейтінін мәлімдеді. Reuters мәліметіне сүйенсек, Mars Kellanova компаниясын сатып алу бойынша мәмілені 11 желтоқсанға дейін аяқтауды жоспарлап отыр.
Mars Snacking президенті Эндрю Кларктың айтуынша, бұл сатып алу компанияның брендтер портфелін айтарлықтай кеңейтеді. Mars — 1911 жылы АҚШ-та негізі қаланған халықаралық жеке корпорация, азық-түлік өнімдері және үй жануарларына арналған тауарлар өндірісінің ірі компанияларының бірі.
Компания Mars, Snickers, Twix, M&M’s брендтерімен қатар, Pedigree, Whiskas және Royal Canin секілді үй жануарларының азықтарымен танымал.
«Меҳмон» тобындағы келушілер бұл жарияланымға пікір қалдыра алмайды.
