«Сақиналар әміршісі: Голлумды аулау» атты жаңа фильм төңірегіндегі жанкүйерлер күткен жаңалық расталды: көрермендер Гэндальф пен Фродоны тағы бір мәрте экраннан көреді. Бұл туралы Гэндальф бейнесімен миллиондаған адамның жадында қалған актер Иэн Маккелленнің өзі хабарлады.
Актердің айтуынша, жоба бойынша түсірілім жұмыстары мамыр айында басталады. Ең қызығы, фильмге режиссерлікті Энди Серкис атқарады және бұл жолы да Голлум рөлін өзі сомдайды. Яғни дауыс, пластика, қимыл-қозғалыс — Голлумның сол «таныс» көңіл күйі қайта оралады деп күтілуде.
Сюжет, әрине, негізінен Голлумның айналасында құрылады. Маккеллен Гэндальфтың және Фродоның да оқиғалардың ортасында пайда болатынын растады, алайда басқа актерлік құрам туралы әзірге артық детальдарға тоқталмады. Бұл жанкүйерлер үшін тағы бір «интрига»: кім қайтты, кім жаңадан қосылды, қай кейіпкерлер күтпеген жерден шыға келеді?
Фильмнің премьерасы 2027 жылғы 17 желтоқсанғажоспарланған. Демек, уақыт бар, бірақ мұндай франшизада әрбір жаңалық — жеке оқиға. Әсіресе Голлум секілді кейіпкер төңірегінде құрылған тарихта құпия, ішкі күрес және қараңғы бұрыштар көп болары анық.
Тағы бір үміт сыйлайтын ишара: түпнұсқа трилогияда Фродо рөлін сомдаған Элайджа Вуд та франшизаға қайта оралу ықтималдығына қарсы емес екенін білдірген. Ол 2024 жылы жаңа жоба өзіне ерекше әсер қалдырғанын, сондай-ақ өмірінде маңызды орын алатын әлемге қайта оралу мүмкіндігі бар екенін айтқан еді.
Қысқасы, барлық деталь әлі ашылған жоқ, бірақ ең бастысы белгілі: Голлум туралы жаңа хикая келе жатыр, ал онда Гэндальф пен Фродо да бар. Енді жанкүйерлерге мамырда басталатын түсірілімнен келетін келесі жаңалықтарды күту ғана қалды. Бұл әлемді сағынғандар үшін күту де әлдеқашан «саяхаттың» бір бөлігіне айналды.
“Zamin”-ді Telegram-нан оқыңыз!
