Өзбекстан мұсылмандары басқармасының төрағасы, мүфти Нуриддин Холикназар Сауд Арабиясында қызмет ететін Король Салман ибн Абдулазиз Әл Сауд атындағы Хадис академиясының Ғылыми кеңесіне мүше болып қабылданды. Бұл туралы kursiv.uz хабар береді.
Осылайша Хадис академиясы мүфти мүше болған халықаралық құрылымдар арасындағы алтыншы ұйымға айналды. Бұған дейін ол Әбу-Дабидегі Бейбітшілік форумы, Халықаралық мұсылман ғұламалары кеңесі және басқа да бірқатар халықаралық ислам ұйымдарының құрамына енгізілген болатын.
2017 жылы құрылған Хадис академиясының бас кеңсесі Мәдина қаласында орналасқан. Ол хадистерді зерттеу және баспаға дайындау, мамандар даярлау, білім беру бағдарламаларын дамыту, сондай-ақ діни экстремизмге қарсы жұмыс жүргізумен айналысады.
“Zamin”-ді Telegram-нан оқыңыз!
