Көпшілік 2026 жылды Жылқы жылы деп атап жүр. Бірақ бір «бірақ» бар: Қытай күнтізбесінде жаңа жыл бірден 1 қаңтарда емес, 17 ақпанда кіреді. Демек, сол күнге дейін Жылан жылы әлі «кезекшілікті» тапсырмаған болып саналады.
Қытай күнтізбесі неге бұлай?
Қытай күнтізбесі ай-күн жүйесіне негізделеді: айлар Ай қозғалысына, ал жыл мезгілдерге сәйкестендіріледі. Сондықтан Қытай жаңа жылының күні жыл сайын өзгеріп отырады және әдетте қаңтардың соңы мен ақпанның ортасы аралығына сәйкес келеді.
12 жылдық жануарлар айналымы
Қытай күнтізбесінде жылдар 12 жануардың атауымен аталады. Бұл жануарлар табиғатты, мінезді және уақыттың айналымын символдық түрде білдіреді. Тізім мынадай:
1. Тышқан
2. Сиыр
3. Жолбарыс
4. Қоян
5. Айдаһар
6. Жылан
7. Жылқы
8. Ешкі
9. Маймыл
10. Әтеш
11. Ит
12. Доңыз
Неге цикл Тышқаннан басталады?
Халық аңызы бойынша, Аспан әміршісі жануарларды шақырып: «Кім бірінші келсе — соған бірінші жыл беріледі», — деген. Тышқан айламен бірінші болып жеткен, сиыр екінші болған, қалғандары келу ретіне қарай орналасқан. Сондықтан 12 жылдық айналым Тышқан жылынан басталады.
Қысқасы, «2026 жыл — Жылқы жылы» деу дұрыс, бірақ ол ресми түрде 17 ақпаннан кейін басталады. Әзірге Жылан жылының «соңғы сериялары» жүріп жатыр — кім біледі, бәлкім ең қызығы дәл соңында болар.
«Меҳмон» тобындағы келушілер бұл жарияланымға пікір қалдыра алмайды.
