Бүгін, 31 қаңтар күні Ташкент қаласының Яшнобод ауданында орналасқан Aviator сауда кешенінде өрт тіркелді. Оқиға бойынша Төтенше жағдайлар бас басқармасы ақпарат берді.
Мәлім етілуінше, сағат 15:47-де Паркент көшесіндегі ғимараттан түтін шығып жатқаны туралы хабар келіп түскен. Осыдан кейін құтқару топтары сағат 15:53-те оқиға орнына жеткен.
Қазіргі уақытта ғимараттағы азаматтар толық эвакуацияланған, өртті сөндіру жұмыстары жүргізілуде. Жағдай Ташкент қалалық ТЖББ тарапынан бақылауға алынған.
Алдын ала мәліметтерге сәйкес, өрт салдарынан дене жарақатын алғандар туралы хабар келіп түспеген.
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз 
