Telegram-ның Android қосымшасы iOS операциялық жүйесінің стиліне жақындатылған жаңартылған дизайнмен шығуы күтілуде. Бұл туралы «Код Дурова» басылымы хабарлады. Бұл туралы kursiv.uz жазады.хабарлайды.
Негізгі өзгерістердің бірі — қосымшадағы жанынан ашылатын мәзірден (шторкадан) бас тарту. Оның орнына экранның төменгі бөлігінде қалқымалы панель пайда болып, онда «Контактілер», «Қоңыраулар», «Чаттар» және «Профиль» сияқты негізгі бөлімдер жинақталады.
Жаңартылған интерфейс iOS нұсқасына одан әрі ұқсай түсті: пайдаланушы профильдеріне жедел әрекет батырмалары қосылды, ал баптаулар бөлімінде түрлі-түсті иконкалар пайда болды.
Қазіргі бета-нұсқада кейбір интерфейс элементтері мен іздеу жолағы әлі де ағылшын тілінде көрінеді. Жаңа дизайнның барлық пайдаланушылар үшін ресми шығу күні нақты айтылмаған, алайда жаңарту жақын күндері көпшілікке ұсынылады деп күтілуде.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
