Өзбекстан елшісі Әлішер Қаюмов Австралия генерал-губернаторы Саманта Мостинге сенім грамотасын тапсырды. Бұл туралы “Дүние” ақпарат агенттігі хабарлады.
Кездесу барысында Мостин Өзбекстанда жүзеге асып жатқан реформаларды жоғары бағалады. Сонымен қатар Ташкент пен Канберра арасындағы ынтымақтастықтың болашағы талқыланды.
Қаюмов пен Мостиннің пікірінше, екі мемлекет те мақта және тау-кен өнеркәсібіне сүйенеді. Мостин Самарқандта сәтті өткен ЮНЕСКО конференциясын жоғары бағалап, Өзбекстан австралиялық туристер үшін қызықты елге айналып келе жатқанын ерекше атап өтті.
Ташкент пен Канберра арасындағы дипломатиялық қатынастар 1991 жылғы желтоқсан айының соңында орнатылған болатын, сол уақытта Өзбекстан мен Австралия сыртқы істер министрлері хат алмасқан еді. Еске сала кетсек, Қаюмов биылғы жылдың көктемінен бастап Сингапурдағы Өзбекстан елшілігін басқарып келеді.
Ол осы елдің президентіне сенім грамотасын сәуір айында тапсырған болатын.
«Меҳмон» тобындағы келушілер бұл жарияланымға пікір қалдыра алмайды.
