2026 жылдан бастап Өзбекстанда кәсіпкерлер мен өндірушілер үшін тағы бір маңызды жеңілдік енгізілмек. Президент Шавкат Мирзиёевтің жарлығына сәйкес, сәйкестік сертификатын рәсімдеу барысында Техникалық реттеу инспекциясында құжаттарды тексеру талабын алып тастау қарастырылған. Бұл жаңалық артық бюрократиялық кедергілерді азайтып, бизнеске уақыт пен шығын үнемдеуге бағытталған.
Жаңа тәртіпке сай, сертификаттау процесі әлдеқайда ашық әрі жедел болмақ. Мамандырдың пікірінше, бұл өзгеріс өндіріс саласында жұмыс істеп жатқан кәсіпорындар үшін қолайлы орта қалыптастырады. Әсіресе, экспортқа бағдарланған өнім өндірушілер бұл жеңілдіктерді тез арада сезінеді.
Жарлықта сыртқы сауда саласына қатысты маңызды ережелер де белгіленген. Атап айтқанда, 2026 жылғы 1 мамырдан бастап сыртқы саудаға енгізілетін барлық тыйымдар, шектеулер және алымдар тек “Бір терезе” ақпараттық жүйесі арқылы ресми жарияланғаннан кейін ғана қолданысқа енеді. Бұл арқылы шешімдерді ашық түрде қабылдау қамтамасыз етілмек.
Сонымен қатар, кез келген тарифтік емес шектеулер немесе қосымша алымдар кемінде үш ай бұрын жұртшылыққа жариялануы міндетті болады. Егер бұл талап орындалмаса, мұндай шектеулер мен алымдар заңды күшке ие болмайды. Бұл бизнес және инвесторлар үшін күтпеген шешімдер тәуекелін төмендетеді.
Жарлықта тағы бір маңызды күн белгіленген. 2028 жылғы 1 қаңтардан бастап кеден заңнамасын бұзғаны үшін айыппұлдар енгізіледі. Бұл нормалар сыртқы сауда қатысушыларын заңдарды қатаң сақтауға ынталандыруға қызмет етеді.
Жалпы алғанда, жаңа реформалар сыртқы сауда және сертификаттау саласында нақты ережелерді белгілеп, Өзбекстанда бизнес жүргізу жағдайларын одан әрі жақсартуға бағытталған. Сарапшылар бұл өзгерістер алдағы жылдары экономикалық белсенділікті арттыруға ықпал ететінін айтуда.
«Меҳмон» тобындағы келушілер бұл жарияланымға пікір қалдыра алмайды.
