Нега Дубай полицияси Lamborghini ўрнига Хитойнинг «Қизил байроқ»ларига ўтяпти?

Бирлашган Араб Амирликлари полицияси хизмат машиналарини (улар фақат спорткарлардан фойдаланишади) Хитойда чиқарилган автомобилларга алмаштиришни бошлади.

Дубай полициясига келтирилган электр моторли Hongqi E-HS9 кроссовери биринчи хитойлик бўлди. Hongqi — хитойчадан таржима қилинганда «Қизил байроқ» маъносини беради.

У 2011 йилда чиқарилган (БАА мезонлари бўйича эскирган) Lamborghini Aventador LP700-4 ўрнини эгаллайди.

Италияликлар ва хитойликлар автомобилидаги ягона ўхшаш жиҳат бу — жуда обрўли саналувчи 8 давлат рақами.

Hongqi E-HS9 электромобиллари ёрдамида дубайлик полициячилар «йўлларда хавфсизликни таъминлаш бўйича стратегик мақсад»ни уддалашмоқчи.

«Дубай полицияси ўз автопаркини доим энг самарали ва янги транспорт воситалари билан таъминлашга интилиб келган», — таъкидлади генерал-майор Халил ал-Мансурий.

Мазкур автомашинанинг тақдимот маросимини қуйидаги ҳавола орқали томоша қилишингиз мумкин:ВИДЕО