Hongqi Гуоя: Mercedes-Maybach С-Класс га рақобатчи бўлган ҳашаматли седан
Хитойнинг премиум автомобил бренди бўлмиш Hongqi ўзининг вакиллик тоифасидаги Гуоя седанини Россия бозорига олиб чиқишини тасдиқлади. Л1 индекси билан ҳам танилган ушбу моделнинг тақдимоти 2026-йилнинг биринчи ярми якунига қадар бўлиб ўтади. Янги автомобил бренднинг ўз ишланмаси бўлган иккита кучли двигател билан тақдим этилади. Бу ҳақда Ixbt.com хабар беради.
Бошланғич версия 3,0 литрли, 380 от кучига эга В6 битурбо двигатели билан жиҳозланади. У 100 км/соат тезликка 5,5 сонияда эришади. Янада қудратлироқ модификация эса 4,0 литрли В8 двигатели билан таъминланган бўлиб, 476 от кучи ва 680 Н·м айланма моментни тақдим этади. Бу версия 100 км/соат тезликни атиги 4,5 сонияда босиб ўтади.
Ўлчамлари бўйича Гуоя флагман седанлар синфига киради: узунлиги 5353 мм, кенглиги 1998 мм, ғилдирак базаси эса 3260 мм ни ташкил этади. Hongqi ушбу моделни Mercedes-Maybach С-Класс га тўғридан-тўғри рақобатчи сифатида кўрмоқда. Шунингдек, у Audi А8 Ҳорч ва BMW 7-серияси каби немис автомобилларига муносиб муқобил бўлиши кутилмоқда.
Автомобил салони Наппа териси ва қимматбаҳо ёғоч турлари билан безатилган. Орқа ўриндиқдаги йўловчилар учун массаж, вентиляция функциялари ва алоҳида экранлар кўзда тутилган. Шунингдек, жиҳозлар рўйхатидан премиум аудио тизим, проекцион дисплей, адаптив круиз-назорат ва фаол шовқинни пасайтириш тизими ўрин олган.
